Nexte vnto her sate the hyghe quene AziaB

That was a conqueres so puyssaunt

And besyde her the quene of Saba

Whiche in grete ryches was tryumphaunt

And also Ipolyte in armes valyaunt

Sate with her besyde quene Hecuba

And yet also the quene Europa

 Present ther was the wiche quene Iuno

And quene Pantasyll wyth fayre quene Elyn

And yet I sawe by her than also

The noble vyrgyn yonge Polyxyn

||

That was destroyed at the last ruyn

Of Troye the grete by cruell Pyrrus

The sone of Achylles that was so cheualrus

 As I dyd loke I had commaundement

Of dame dyscrecyon for to remembre

These noble ladyes so pure and excellent

Hardy in corage of age ryght tendre

Yet not withstandynge deth dyde surrendre

 Prev. P 20/118 next