harum-scarum raw, Wi’ smilin’ face.

p. 87IV—A MILE AN’ A BITTOCK

p. 87

A mile an’ a bittock, a mile or twa, Abüthe burn, ayont the law, Davie an’ Donal’ an’ Cherlie an’ a’, An’ the müne was shinin’ clearly!

mile

Ane went hame wi’ the ither, an’ then The ither went hame wi’ the ither twa men, An’ baith wad return him the service again, An’ the müne was shinin’ clearly!

The clocks were chappin’ in house an’ ha’, Eleeven, twal an’ ane an’ twa; p. 88An’ the guidman’s face was turnt to the wa’, An’ the müne was shinin’ clearly!

p. 88

A wind got up frae affa the sea, It blew the stars as clear’s could be, It blew in the een of a’ o’ the three, An’ the müne was shinin’ clearly!

Noo, Davie was first to get sleep in his head, “The best o’ frien’s maun twine,” he said; “I’m weariet, an’ here I’m awa’ to my bed.”  An’ the müne was shinin’ clearly!

Twa o’ them walkin’ an’ crackin’ their lane, The mornin’ licht cam gray an’ plain, An’ the birds they yammert on stick an’ stane, An’ the müne was shinin’ clearly!

O years ayont, O years awa’, My lads, ye’ll mind whate’er befa’— My lads, ye’ll mind on the bield o’ the law, When the müne was shinin’ clearly.

p. 89V—A LOWDEN SABBATH MORN

p. 89

The clinkum-clank o’ Sabbath bells Noo to the hoastin’ rookery swells, Noo faintin’ laigh in shady dells, Sounds far an’ near, An’ through the simmer kintry tells Its tale o’ cheer.

The

An’ noo, to that melodious play, A’ deidly awn the quiet sway— A’ ken their solemn holiday, Bestial an’ human, The singin’ lintie on the brae, The restin’ plou’man,

p. 90He, mair than a’ the lave o’ men, His week completit joys to ken; Half-dressed, he daunders out an’ in, Perplext wi’ leisure; An’ his raxt limbs he’ll rax again Wi’ painfü’ pleesure.

 Prev. P 42/55 next