That he the vyctory on hym dyd gette

Had I not be comfort vnto his harte

Suche vyctory had ben leyd aparte

 Dyd he not vaynquysshe in ye forest of Nemee

The thre mortall lyons by his grete hardynes

And ryued theyr Iawes as was to se

By twene his handes by chyualrus prowes

And yet by armes and knyghtly exces

In egypt he slewe the tyraunt Busyre

And brent hym after in a grete fyre

cc .vi.

 Also he slewe the tyraunt Cacus

For his tyranny and grete myschefe

By cause his dedys were so odyous

For he dyd murdre and was a thefe

Wherfore his deth to many was leef

Who more of his actes wyll haue report

To the Troyans story lette hym resort

 Also the worthy and the noble hectour

That eclyped was the troyans champyon

 Prev. P 38/118 next