Now gentyll Iupyter the lodesterre of lyghte

Thy stedfast beames so fayre and so clere

Cast now abrede that we may haue a syght

To gladde vs all whan that they do appere

Sendynge downe trouthe from thy fulgent spere

For to make our hertes mekely to enclyne

A3

To serue our souerayue whiche doth nowe domyne

 Mars

 O myghty Mars o god of the warre

O flambynge honour of euery hardy herte

Sende downe thy power truely from so ferre

Us to encourage that we do not sterte

But by hardynes that we may subuerte

Our soueraynes enemyes to hym contraryous

By bataylles fyrse ryghtfull and rygorous

 Phebus

 And thou fayre bright / and aureate phebus

Encreace now lyght with loue and honoure

Amonge the lordes so gay and gloryus

 Prev. P 7/14 next