To god intended with lyberalyte

 The fourth is that he sholde be stronge

His ryght euer for to defende

And neuer to no man for to do wronge

But wronges for to dyrecte and amende

As ferre as his power wyll extende

So a true crysten man sholde exclude

All maner of vyces by his fortytude

 The fyfth is yt he sholde be mercyable

In all his dedes withouten furoure

For that to hym is gretly conuenable

And eke to kepe hym out of erroure

For he of mercy sholde be a myrroure

So vnto them it is ryght necessary

Who that wyll be saued for to haue mercy

 The syxte is a knyght ought for to kepe

The poore folke in theyr grete nede

That often for hungre and thyrst do wepe

He ought with almes theym for to fede

And the better he shall than spede

 Prev. P 49/118 next